Një aksident trafiku ka ndodhur në orët e mëngjesit të sotëm në fshatin Banjë të Istogut, ku si pasojë është lënduar një zyrtar policor, po ashtu i njëjti më pas për shkak të gjendjes së rëndë është trasferuar nga Spitali i Përgjithshëm i Pejës në Qendrën Klinike Universitare të Kosovës.

Lajmin për transferimin e tij në QKUK e ka konfirmuar për lajmi.net, drejtori i emergjencës së QKUK-së Naser Syla, i cili tha se i njëjti ka lëndime të rënda.

“Është në gjendje të rëndë por stabile, për momentin është duke u trajtu ende në emergjencë, të shohim pas konsultave se ku do të vazhdojë trajtimin e mëtutjeshëm”, ka thënë Syla.

Ndryshe, zëdhënësi i Policisë për Rajonin e Pejës, Driton Rugova, ka konfirmuar për lajmi.net, se sot rreth orës 08:35 në fshatin Banjë-Istog ka ndodhur një aksident trafiku, ku një zyrtar policor është goditur nga një veturë gjatë kohës sa ishte në një pikë kontrolli.