Me një plumb qorr është goditur xhami i dritares në një zyrë të Inspektoratit komunal në Prizren.

Në raportin 24 orësh të Policisë së Kosovës bëhet e ditur se rasti ka ndodhur më 20.01.2025 në rrugën “Remzi Ademaj”, në Prizren.

Tutje thuhet se në vendin e ngjarjes njësitë policore pas një pune operative hetimore kanë arritur ta identifikojnë të dyshuarin i cili kishte shtënë me armë.

“Dyshohet se është dëmtuar xhami i dritares në një zyrë të Inspektoratit Komunal nga një predhë  (plumb) qorr. Në vendin e ngjarjes njësitë policore pas një pune operative hetimore kanë arritë të identifikojnë të dyshuarin i cili kishte shtënë me armë. Rasti është duke u hetuar”, thuhet në raport.