Tekniku italian deklaroi në konferencën për shtypin se ekziston një entuziazëm në skuadër dhe se Juve ia ka dalë të rikuperojë energjitë nga ndeshja me Napolin, transmeton lajmi.net.

“Të gjitha skuadrat këtë sezon kanë ulje dhe ngritje të koncentrimit. Gati të gjitha janë duke pranuar gola shkaku i fillimit të sezonit”, tha ai.

“Aktualisht janë pesë apo gjashtë skuadra që luftojnë me Milanin që është i pari në tabelë. Duhet të mendojmë për vetën tonë dhe të shohim në prill çfarë do të ndodhë”, shtoi ai.

“Jemi stërvitur mirë, skuadra ka punuar shumë në nivelin taktik dhe skemat”, përfundoi Andrea Pirlo./Lajmi.net/