Gerard Pique ka folur në lidhje me pensionimin e tij.

Ditë më parë legjenda e Barcelonës, Pique njoftoi pensionimin nga futbolli, transmeton lajmi.net.

Sot ai luajti ndeshjen e tij të fundit në ‘Spotify Camp Nou’, kundër Almerias.

Pas ndeshjes ai komentoi në lidhje me vendimin e tij, duke thënë që e do Barcelonën prandaj po largohet.

“Në jetë, kur rritesh, kupton se ndonjëherë të duash është të lësh të shkojë. Jam i bindur se do të jem sërish këtu në të ardhmen.

Unë e dua Barçën. Kjo është arsyeja pse unë e konsideroj se është momenti i duhur për të shkuar. Kjo nuk është një lamtumirë. Këtu kam lindur, këtu do të vdes”, ishin fjalët e tij.

Pique largohet me kokën lartë, pasi ka fituar çdo trofe të mundshëm me ‘Blaugrana’./Lajmi.net/