Ollie Trezise, nga Uellsi, u lind me një gjendje të rrallë shëndetësore që bëri që truri i tij të rritej në hundë nëpërmjet një çarje në kafkën e tij.

Foshnja 21-muajshe është detyruar që t’i nënshtrohet disa operacioneve të dhimbshme, për ta ndihmuar atë që të merrte frymë siç duhet, transmeton lajmi.net.

Por nëna e tij, Amy Poole, 22 vjeçe, tha se pas publikimit të tij në rrjetet sociale ajo është bombarduar me komente mizore nga të huajt.

Ajo thotë se vogëlushi i saj është quajtur “i shëmtuar” dhe madje dikush i ka shkruar koment se ai “nuk do të duhej të lindte fare”. Kjo është e tmerrshme thotë ajo, pasi që për të vogëlushi i saj mbetet perfekt.

“Ai është Pinokio i vogël për mua dhe jam krenare për të”, thotë ajo. /lajmi.net