Oscar Piastri ka bërë një reagim përmes llogarisë së tij në rrjetin social ‘Twitter’.

Piloti rezervist i Formula 1, Piastri është në qendër të vëmendjes ditëve të fundit, pasi Fernando Alonso u konfirmua si pilot i Aston Martin për vitin 2023.

Australiani, rezervist i Alpine, pritej të ishte zëvendësues i tij. Kjo duket se ishte edhe ideja e skuadrës së Alpine, por gjërat u komplikuan, përcjell lajmi.net.

Raportime të menjëhershme dolën se McLaren ka një marrëveshje me pilotin dhe gjithçka mori flakë, saqë obligoi edhe reagimin e Piastri.

“Unë e kuptoj se, pa pajtueshmërinë time, Alpine F1 ka lëshuar një komunikatë këtë pasdite se unë do të garojë për ta vitin tjetër. Kjo është gabim dhe unë nuk kam nënshkruar kontratë me Alpine për vitin 2023. Unë nuk do të vozisë për Alpine vitin tjetër”, ka thënë Piastri në ‘Twitter’.

Duket se Alpine do të jetë një hap prapa në strategji. Lëshimi i Alonso, pa marrëveshje me Piastri, mund të jetë lëvizje e ngutshme.

Piastri është kampion i vitit 2021 në Formula 2, kampion i vitit 2020 në Formula 3 dhe kampion në Formula Renault Eurocup në 2019. /Lajmi.net/