Përplasje mes SHBA-së dhe Rusisë në mbledhjen e KS të OKB-së: Nuk mund të ndryshoni historinë e intervenimit të NATO-s në Kosovë
Në Këshillin e Sigurimit të OKB-së, përfaqësuesi i Shteteve të Bashkuara, Robert Wood, i bëri thirrje homologut të tij rus, Vitaly Nebenzia, të mos përpiqet të ndryshojë rrjedhën e ngjarjeve historike. Diskutimi u zhvillua në një sesion ku po shqyrtohej raporti gjashtëmujor i Sekretarit të Përgjithshëm të OKB-së, Antonio Guterres, mbi punën e misionit të…
Lajme
Në Këshillin e Sigurimit të OKB-së, përfaqësuesi i Shteteve të Bashkuara, Robert Wood, i bëri thirrje homologut të tij rus, Vitaly Nebenzia, të mos përpiqet të ndryshojë rrjedhën e ngjarjeve historike.
Diskutimi u zhvillua në një sesion ku po shqyrtohej raporti gjashtëmujor i Sekretarit të Përgjithshëm të OKB-së, Antonio Guterres, mbi punën e misionit të OKB-së në Kosovë (UNMIK).
Gjatë sesionit, representanti rus Nebenzia hodhi akuza ndaj NATO-s, një veprim që e shtyu Wood të merrte fjalën.
“Operacioni ‘Alied Forces’ i vitit 1999 ishte jetik dhe legjitim për të nxitur tërheqjen e forcave serbe të Millosheviqit nga Kosova dhe për të ndaluar spastrimin etnik,” u shpreh Wood. “Ky operacion ishte ndërhyrja e fundit e mundshme për të parandaluar gjenocidin dhe ishte përgjigje ndaj nevojës së menjëhershme për të mbrojtur popullsinë civile.”
Ai vazhdoi të flasë direkt ndaj përfaqësuesit ru.
“Federata Ruse duket se është e pakënaqur me faktin që Këshilli nuk i jep vendin që ajo dëshiron për të promovuar një realitet alternativ. Do të ishte më mirë të lëmë anash revisionizmin dhe të punojmë për të adresuar sfidat që kemi përpara.”
Kjo përplasje verbale në skenën ndërkombëtare vjen në një kohë kur tensionet politike janë të larta, dhe mbi të gjitha, tregon se si ngjarjet e së shkuarës vazhdojnë të ndikojnë në politikën dhe diplomacinë e sotme.