Me atë rast janë plagosur tre persona si pasojë e të shtënave me një pushkë gjuetie. Sipas policisë në këtë përleshje janë plagosur një kosovar i moshës 28-vjeçare, një rus 30-vjeçar dhe një zviceran 56-vjeçar, raporton Dialogplus.

Që të tre të plagosurit janë trajtuar menjëherë nga ndihma e shpejtë. Ende nuk dihen arsyet e ngjarjes, prokuroria po zhvillon hetimet. Gjatë natës në këtë rajon janë arrestuar disa persona dhe janë marrë në pyetje nga policia. Policia po ashtu ka konfiskuar pushkën e gjuetisë.