Përfundon rinumërimi i 50 vendvotimeve, sot fillon rinumërimi i fletëvotimeve të pavleshme nga votimi me postë
Komisioni Qendror i Zgjedhjeve ka njoftuar se ka përfunduar rinumërimi i 50 vendvotimeve me vendim të KQZ-së që po zhvillohej në Qendrën e Numërimit dhe Rezultateve. Sipas KQZ-së, sot në mesditë do të filloj rinumërimi i fletëvotimeve të pavlefshme nga votimi me postë, shkruan lajmi.net. Lajmin e ka konfirmuar për lajmi.net zëdhënësi i KQZ-së, Valmir…

Lajme
Komisioni Qendror i Zgjedhjeve ka njoftuar se ka përfunduar rinumërimi i 50 vendvotimeve me vendim të KQZ-së që po zhvillohej në Qendrën e Numërimit dhe Rezultateve.
Sipas KQZ-së, sot në mesditë do të filloj rinumërimi i fletëvotimeve të pavlefshme nga votimi me postë, shkruan lajmi.net.
Lajmin e ka konfirmuar për lajmi.net zëdhënësi i KQZ-së, Valmir Elezi.
“Në QNR përfundon rinumërimi i 50 vendvotimeve me vendim të KQZ-së, në mesditë fillon rinumërimi i fletëvotimeve të pavefshme nga votimi me postë Prishtinë, 12 mars 2025, ora 09:00 – Të martën në mesnatë, në Qendrën e Numërimit dhe Rezultateve ka përfunduar rinumërimi i fletëvotimeve nga 50 vendvotime të rregullta, sipas vendimit të KQZ-së. Ky proces u zhvillua në prezencë të vëzhguesve të akredituar. KQZ njofton se gjatë ditës së sotme, në orën 12:00, në QNR do të fillojë rinumërimi i 1,631 fletëvotimeve të pavlefshme nga votimi me postë, të cilat gjenden në 177 kuti të votimit, sipas vendimit të Panelit Zgjedhor për Ankesa dhe Parashtresa. Edhe për këtë proces, KQZ ka njoftuar vëzhguesit e akredituar”, ka thënë Elezi. /Lajmi.net/