Prishtina është duke barazuar me Ulpianën (0:0), derisa Ballkani është duke triumfuar bindshëm ndaj Feronikelit (3:0), shkruan lajmi.net.

Ndeshja mes Prishtinës dhe Ulpianës ka qenë e baraspeshuar, me dy skuadrat që provonin të gjenin golin, por që assesi nuk ia dolën.

Ulpiana ishte më e rrezikshme këtë pjesë, por që nuk i finalizuan aksionet e shumta.

Kurse, sa i përket ndeshjes tjetër, Ballkani është duke triumfuar me rezultat 3:0 ndaj Feronikelit.

Armend Thaqi hapi serinë e golave duke shënuar me kokë, nga një top i kthyer pas penalltisë së humbur (9′).

Ishte Merton Korenica që dyfishoi epërsinë me një eurogol, derisa Blend Baftiu u përkujdes për golin e tretë (41′).

Mbetet të shihen nëse do jenë këto rezultat edhe pas pjesës së dytë./Lajmi.net/