Monografia e parë e FC Prishtina, do të përfshijë 800 faqe materiale me fotografi, rezultate, tabela e shumë të dhëna të tjera sportive, transmeton lajmi.net.

Lajmin e bëri të ditur vetë faqja e klubit, përmes një postimi në rrjetin social, Facebook.

Siç thuhet në njoftim, përmes kësaj monografie, do të tentohen të rikthehen shumë emocione, herë-herë edhe momente rrëqethëse për shumë breza në shekullin e parë të themelimit të klubit të kryeqytetit.

Postimi i tyre i plotë:

Monografia e parë e FC Prishtina vjen në 100-vjetorin e themelimit të klubit

Klubi Futbollistik “Prishtina” do të shënojë së shpejti 100-vjetorin e themelimit, ku me këtë rast do të publikohet edhe Monografia e parë e klubit.

Monografia e parë e FC Prishtina, do të përfshijë 800 faqe materiale me fotografi, rezultate, tabela e shumë të dhëna të tjera sportive rreth klubit më triumfues në Kosovë.

Përmes kësaj Monografie, do të sjellim shumë emocione, herë-herë edhe momente rrëqethëse për shumë e shumë breza në shekullin e parë të themelimit të klubit të kryeqytetit.

Vit për vit momente gëzimi, momente sakrifice e suksesi, mbi të gjitha kënaqësi. Faleminderit të gjithë ju që e keni mbështetur dhe vazhdoni të mbështesni, FC Prishtina përjetë mirënjohës!

“100 vjet klubi i futbollit Prishtina”.

Urime! /Lajmi.net/