Këta të fundit kanë në dispozicion vetëm një ditë të caktuar nga bankat komerciale. Kjo nga kryetarja e Komisionit, Flora Brovina, po konsiderohet shkelje e të drejtave të njeriut. Brovina tha se disa herë komisioni e ka shqyrtuar këtë problematikë, por që ende nuk është gjetur zgjidhja.

Komisioni do të kërkojë që ministri Abrashi t’iu mundësojë pagesën e pensioneve përmes Postës së Kosovës.

Po ashtu Komisioni ka proceduar edhe dy projektligje atë për aftësimin, riaftësimin profesional dhe punësimin e personave me aftësi të kufizuara, dhe kanë shqyrtuar projektligjin për shërbimin mjekësor emergjent.

“Ne kemi biseduar edhe me ministrin për çështjen sociale për mundësinë që pensionistëve dhe pensioneve të gjitha llojeve atyre që nuk kanë mundësi të presin me orë të tëra edhe për shkak se po bëhen kolona të mëdha para shërbimeve bankare në ditë të caktuara.

Kjo është shkelje e të drejtave të njeriut  që pensionin mos të mund të marrin atëherë kur dëshiron por në ditën e caktuar. Për këtë arsye kemi kërkuar që shërbimi postar të jetë një ndër mundësitë që të shpërndahen pensionet të të gjitha llojeve, në shtëpi”, tha Brovina.

Ndërsa, anëtari i këtij komisioni, Fikrim Damka, ka thënë se me ndarjen e pensioneve sociale përmes bankave komerciale, buxheti i Kosovës për çdo vit i humb 63 mijë euro.

“Disa herë e kemi diskutuar këtë çështje. Ne si deputetë e kemi marrë letrën prej ndërmarrjes publike, Postës së Kosovës. Ata tregojnë se janë  në disfavor të cilët kanë kërkuar që të jenë në tender për të fituar për shpërndarjen e skemave sociale, i cili e ka një shërbim shumë më të ulët se bankat komerciale. Bankat komerciale po i ofrojnë me 1 euro e gjysmë të cilën Ministria për Punë Sociale e paguan për çdo skemë sociale për pagesat. Posta e ka ofruar 1.30 cent . Kjo i bie që Ministria e Mirëqenies Sociale çdo vit kishte fituar një shumë prej 63 mijë eurove në vit”, tha Damka.

Ai po ashtu tha se posta do të ofronte shërbime 7 ditë në javë dhe jo ashtu sikurse i aplikojnë bankat komerciale. Damka ka propozuar që këtë debat ta hapin në Komision bashkë me Ministrinë duke e ftuar ministrin dhe Postën e Kosovës .

“Unë propozoj që ne si Komision të marrim një hap ku kishim me dëgjua tre psalshin. Këtu është i involvuar edhe Ministria e Financave dhe kjo ministri duhet të jetë në këtë tryezë. Sepse po më duket lidhet me disa çështje edhe me MF-në”, tha Damka.