Një person është arrestuar në Pejë, pasi dyshohet se ka sulmuar fizikisht babanë e tij.

Sipas raportit të Policisë, rasti ka ndodhur më 14 korrik 2026, rreth orës 14:30, në rrugën “Lekë Dukagjini”. I dyshuari, mashkull kosovar, dyshohet se pas një incidenti ka ushtruar dhunë fizike ndaj prindit të tij, po ashtu mashkull kosovar, transmeton lajmi.net.

Si pasojë e sulmit, viktima ka marrë trajtim mjekësor.

Policia ka arrestuar të dyshuarin, i cili pas intervistimit është liruar në procedurë të rregullt me vendim të prokurorit. Rasti është duke u trajtuar sipas procedurave ligjore.

Raporti i plotë: 

LËNDIM I LEHTË TRUPOR

Rr. Lekë Dukagjini, Pejë 14.07.2026-14:30. Është arrestuar i dyshuari mashkull kosovar, pasi që i njëjti ka sulmuar fizikisht prindin e tij- viktimën mashkull kosovar. Viktima ka pranuar tretman mjekësor, ndërsa i dyshuari pas intervistimit me vendim të prokurorit lirohet në procedurë të rregullt./lajmi.net/