Eksperti i sigurisë në Kosovës, Lulzim Peci ka thënë se nuk duhet të ketë dilema se Serbia do të bëjë cfarëdo që mundet në periudhën deri në marrjen e vendimit për pranimin e Kosovës nga Këshilli i Ministrave i Këshillit të Evropës për të provokuar Qeverinë e Kosovës.

“Për këtë arsye, maturia dhe bashkëpunimi i ngushtë me vendet kyçe të perëndimit është ilaçi më i mirë ndaj kësaj qasje të Beogradit, i cili nuk po mundet të kthjellet nga disfata në Asamblenë e Këshillit të Evropës. Përndryshe, përpos OSBE dhe Kombeve te Bashkuara, te gjitha institucionet e tjera janë të hapura për Kosovën, pasi në ato Serbia dhe Rusia, ose nuk kanë të drejtë të vetos apo nuk janë anëtare”, ka shkruar Peci në Facebook.

Sipas tij, edhepse Serbia në mënyrë brutale është duke e shkelur marrëveshjen e Brukselit/Ohrit, ‘ajo është duke u zbatuar nga perëndimi, dhe për këtë Beogradi mundet vetëm t’i bie fyellit’.