Kryetari i Mitrovicës së Jugut, Faton Peci duket se nuk ka arritur të gjej gjuhën e bashkëpunimit me LDK-në për të vazhduar koalicionin.

Peci me anë të një postimi e ka konfirmuar se koalicioni është prishur, transmeton lajmi.net.

Por, ai ka zgjedhur një mënyrë ironizuese për t’iu kundërpërgjigjur LDK-së për prishjen e koalicionit.

“Me 3% nuk punon as iPhone -i”, ka shkruar Peci, duke aluduar në rezultatin që LDK e pati në zgjedhjet lokale në Mitrovicë.

VV-Guxo dhe LDK lidhën një koalicion së bashku para disa jave, ku Safet Kamberi u zgjodh kryetar i Kuvendit Komunal./lajmi.net/