Partia Demokratike e Kosovës ka hapur fushatën në Prishtinë për zgjedhjet e 9 shkurtit.

Fushata nisi me himnin kombëtar dhe me himnin e Kosovës.

E kryetari i kësaj partie, Memli Krasniqi tha se tubimin e sotëm në Prishtinë, do e përmbyllin po në kryeqytet, me fitoren e Partisë Demokratike të Kosovës më 9 shkurt.

“PDK, festën që po e nisim sonte, do e përmbyllim bashkë natën e 9 shkurtit në sheshin e Prishtinës dhe anë e mbanë Kosovës, kur do të mblidhemi përsëri për fitoren e madhe të Partisë Demokratike të Kosovës”, tha Krasniqi.

“Ju faleminderit të gjithëve që jeni këtu, dhe ju kërkoj ndjesë atyre që nuk i ka zënë kjo sallë, por sonte ua kërkojmë një obligim të ri, kryeministrit të ardhshëm Bedri Hamzës t’ia ndërtojmë një sallë të madhe se ndryshe PDK-ja nuk mund të mbajë tubime”.

“Kosovën do ta bëjmë më të mirë, Partia Demokratike e Kosovës është gati për fitore”, u shpreh Krasniqi tutje.