Pas zhvillimeve të fundit në Këshillin Prokurorial të Kosovës, ku dje është votuar me pesë vota për për shkarkimin e U.D të Kryeprokurorit të Kosovës, Besim Kelmendi ka reaguar edhe ish-prokurori Elez Blakaj.

Blakaj deklaroi se është për keqardhje gjendja e krijuar në Këshillin Prokurorial.

“Mjerimi ka emër! Për keqardhje gjendja e krijuar në Këshillin Prokurorial të Kosovës! O kolegë, kthjelluni pak, se KPK-ja nuk është institucion privat, pronë individuale apo plaçkë e grupeve të interesit! Mjaftë!”, shkruan Elezaj.

Duhet përkujtuar që dje në mbledhje të pranishëm ishin edhe anëtarët e tjerë ku është propozuar që si pikë e parë e kësaj mbledhje të jetë shkarkimi i Kelmendit.

Pas kësaj, tre anëtarë të këshillit dhe vetë prokurori Besim Kelmendi kanë lëshuar mbledhjen.

Sikur të mos ketë ndodhur asgjë, mbledhja vazhdoi sërish ku me pesë vota për u shkarkua U.D Kryeprokurori i Kosovës e në vend të tij menjëherë u vu Agron Qalaj.

Ndaj kësaj mënyrë të largimit të Kelmendit reaguan edhe ndërkombëtarët e vendorët./Lajmi.net/