Në Lipjan është arrestuar një person i dyshuar, pasi dyshohet se pas një mosmarrëveshjeje ka tentuar t’i sulmojë me thikë një burrë dhe djalin e tij të mitur.

Rasti ka ndodhur më 26 tetor, në orën 17:39.

Sipas raportit të Policisë, “i njëjti pas një mosmarrëveshje, ka tentuar që ta sulmojë me thikë viktimën mashkull kosovar dhe djalin e mitur të viktimës”.

Policia ka bërë të ditur se nga i dyshuari është konfiskuar një thikë.

“Me vendim të prokurorit i dyshuari dërgohet në mbajtje”, thuhet në raportin policor. /Lajmi.net/