Kompania Rajonale “Pastrimi” ka njoftuar se konsumatorët me borxhe të pashlyera do të dërgohen te përmbaruesit nëse nuk i paguajnë detyrimet.

Në njoftimin për media, kompania u ka bërë thirrje banorëve të Prishtinës, Podujevës, Lipjanit, Obiliqit, Drenasit dhe Fushë-Kosovës që të kryejnë pagesat për shërbimin e mbledhjes së mbeturinave.

“Nga java e ardhshme, sikur kemi vepruar gjatë tetorit me bizneset, të gjithë konsumatorët, amvisëri, me borxhe të pashlyera do të procedohen në përmbarim, sipas legjislacionit në fuqi. Procedurat e përmbarimit përfshijnë kosto shtesë për konsumatorët, prandaj ju ftojmë që pagesat t’i kryeni sa më herët për të shmangur shpenzime të panevojshme”, thuhet në njoftim.