Papa thotë pushoni të dielën
Papa Francis ka bërë thirrje që të mos punohet ditën e diel dhe këtë ditë njerëzit ta shfrytëzojnë që të rrinë më pranë familjeve të tyre.
Bota
Papa Francis ka shprehur keqardhjen e tij për braktisjen e traditës së të bërit pushim ditën e diel nga shumë njerëz, duke theksuar se kjo gjë ka ndikim negativ te familjet dhe miqësitë.
Gjatë vizitës së tij në jug të Italisë, Papa ka thënë se hapja e dyqaneve dhe bizneseve gjatë ditës së diel nuk është mënyrë e mirë për të ulur varfërinë.
Sipas Papës, prioritet duhet të jetë njeriu dhe se të kaluarit e të dielës me familjen dhe miqtë është një zgjidhje etike. Ai gjithashtu këshilloi prindërit që të kalojnë më shumë kohë me fëmijët e tyre.