Papa Françesku vazhdon vizitën në Emiratet Bashkuara Arabe

Papa Françesku mbajti një tubim historik për rreth 170.000 katolikë në një stadium në Abu Dhabi, kryeqytetin e Emirateve të Bashkuara Arabe.

Bota

05/02/2019 13:47

Kreu i Kishës Katolike, udhëtoi me veturën e hapur në Stadiumin “Zayed” ku u ngrit një altar me një kryq të madh.

Papa Françesku u prit ngrohtësisht nga filipinasit dhe indianët katolikë të cilët përbëjnë pjesën më të madhe të fuqisë punëtore në Emiratet e Bashkuara Arabe.

Emiratet e Bashkuara Arabe e ftuan Papën për vizitë tre ditore si pjesë e organizimit “Viti i Tolerancës 2019”, transmeton rel.

Papa Françesku u kërkoi udhëheqësve fetarë që të punojnë së bashku për të hedhur poshtë “pangopësinë e mjerueshme” të luftës dhe t’i rezistojnë “logjikës së fuqisë së armatosur, armatosjes së kufijve dhe ngritjes së mureve”.