Pas mbajtjes së takimit, Paneli Vlerësues ka dërguar për konfirmim në Këshillin Prokurorial të Kosovës (KPK) emrat e pesë kandidatëve për pozitën e Kryeprokurorit të Shtetit.

Pesë kandidatët janë:

Atdhe Dema – Prokuror në Departamentin për Hetimin e Terrorizmit në Prokurorinë Speciale të Republikës së Kosovës,

Naim Abazi– Prokuror në Departamentin për Hetimin e Korrupsionit dhe Krimit Financiar në Prokurorinë Speciale të Republikës së Kosovës,

Rafet Halimi– Prokuror në Departamentin për Hetimin e Korrupsionit dhe Krimit Financiar në Prokurorinë Speciale të Republikës së Kosovës,

Shqipdon Fazliu– Prokuror në Zyrën e Kryeprokurorit të Shtetit,

Zejnullah Gashi– Kryeprokuror i Prokurorisë Themelore në Prishtinë.

Paneli Vlerësues ka këtë përbërje: Arian Gashi- kryesues, dhe anëtarët Visar Krasniqi dhe Elza Bajrami-Kastrati, raporton “Betimi për Drejtësi”.