Të Infektuar: 41.299

Të Shëruar: 26.453

Të Vdekur: 1.062

Pandemia dhe kufizimi i lëvizjes ulin numrin e aksidenteve në Kosovë, më pak të vdekur në komunikacion

16:15 | 22 Nentor 2020

Kufizimet në lëvizje gjatë pandemisë kanë bërë që numri i aksidenteve në Kosovë të bie gjatë këtij viti.

Derisa në 7 mujorin e parë të vitit 2019 në Kosovë kanë qenë saktësisht 11732 aksidente në total, për periudhën e njëjtë të këtij viti në Kosovë janë afër 2500 aksidente më pak, ose saktësisht 9295 aksidente, shkruan lajmi.net.

Sigurisht, numri më i vogël i aksidenteve ka ndikuar që edhe numri i personave që kanë vdekur në komunikacion të jetë më i vogël.

Në vitin 2019, në periudhën Janar-Shtator janë shkaktuar 66 aksidente me fatalitet, derisa në periudhën e njëjtë në këtë vit ky numër ka rënë në 51.

E gjithashtu në këtë vijë të rënies ka shkuar edhe numri i personave të vdekur. Në vitin 2019 për 7 muajt e parë të vitit kanë vdekur 76 persona në aksidente, ndërsa në periudhën e njëjtë në këtë vit kanë vdekur 55 persona, ose 21 vdekje më pak në komunikacion.

Në vitin 2019 në periudhën Janar-Shtator ka pasur 4443 aksidente me të lënduar me gjithsej 8625 persona të lënduar, ndërsa në këtë vit në periudhën e njëjtë ka pasur 3663 aksidente me të lënduar me gjithsej 6825 persona të lënduar.

Rënie ka shënuar edhe numri i aksidenteve me dëme për 1642 më pak dhe gjithashtu edhe numri i tiketave të shqiptuara në trafik.

Nga 321690 tiketa të shqiptuara gjatë muajve Janar-Shtator në vitin 2019, ky numër ka rënë në 279408 në vitin 2020 në periudhë të njëjtë kohore.

Në tabelën e mëposhtme mund t’i shihni të gjitha të dhënat e grafikuara nga Policia e Kosovës. /Lajmi.net/