Gjykata Speciale ka arrestuar sot disa figura të njohura në vend.

Si fillim u raportua për arrestimin e ish-kryetarit të Malishevës, Isni Kilaj, më pas u arrestua ish shefi i Agjencisë Kosovare për Inteligjencë, Bashkim Smakaj dhe Fadil Fazliu.

Por operacioni s’përfundoi me kaq.

Sipas informative të para, Specialja ka kryer bastisje edhe në shtëpinë e ish-ministrit të Drejtësisë, Hajredin Kuci.

Tashmë raportohet se Kuçi është arrestuar ndërsa rruga që çon për tek shtëpia e tij është bllokuar nga forcat policore.

Arrestimet po kryhen në kuadër të Dhomave të Specializuara në Hagë, në bashkëpunim me policinë e EULEX-it në Kosovë.

“Zyra e Prokurorit të Specializuar (ZPS) po kryen operacione në vazhdimësi në Kosovë në një proces hetimor që përqendrohet në vepra penale kundër administrimit të drejtësisë. Operacionet e ZPS-së janë autorizuar nga ana gjyqësore prej Dhomave të Specializuara të Kosovës (DHSK) dhe janë mbështetur nga Misioni i Bashkimit Evropian për Sundimin e Ligjit në Kosovë (EULEX)”./Lajmi.net/