Një ngjarje tragjike raportohet të ketë ndodhur në Turqi.

Autobusi me pasagjerë është përplasur në shtyllën e një ure në Ankara, duke lënë të vdekur nëntë persona e të lënduar 26 të tjerë.

Sipas raportimeve të para, autobusi në fjalë ishte nisur nga Izmiri për në Angri kur edhe doli nga rruga dhe u përplas me urën.

Në lidhje me aksidentin është deklaruar edhe guvernatori i Ankarasë, Vasip Sahin, i cili tha se nëntë persona kanë humbur jetën dhe 26 të tjerë u lënduan.

Në vendin e ngjarjes kanë arritur të gjitha ekipet emergjente dhe të lënduarit nga ky aksident janë dërguar në spitalet përreth.

“9 qytetarë humbën jetën dhe 26 qytetarë të tjerë u lënduan në aksidentin e autobusit të Ankarasë. Trajtimi i të lënduarve po vazhdon në spitale. Zoti i mëshiroftë qytetarët tanë që humbën jetën, ngushëllimet tona për të afërmit e tyre, ndërsa të lënduarve u urojme shërim të shpejtë”, thuhet nga Ministria e Shëndetësisë./Lajmi.net/