Meqë një qendër mjekësore duhet t’i ketë mjetet e nevojshme elementare teknike, me sa shihet QKMF-së i mungojnë këto.

Në këtë qendër gjendet një karrocë e cila ka raste kur nuk shfrytëzohet dhe as që dihet ku ndodhet. Ashensori i mungon këtij institucioni.

Mungojnë edhe mjetet elementare për të bartur pacientët nga oborri për në qendër e brenda saj.

Autoritetet e QKMF-së mohojnë faktin se në këtë qendër nuk ka as karrige për t’i bartur të sëmurët që janë në gjendje më të rëndë e që fillimisht kërkojnë ndihmë aty.

Por, qytetarja e Prishtinës A.X. është dërguar e alivanosur në këtë qendër dhe familjarët e saj e kanë bartur para duarsh deri në katin e dytë.

“Është dashur të më bartin shkallëve para duarsh sepse ashensori mungonte”, ka thënë ajo për gazetën Tribuna.