Ushtruesi e detyrës së Kryeprokurorit të Prokurorisë Speciale, Dren Paca është pyetur sot në konferencë për media në lidhje me rastin e Arlinda Zekajt.

Ai ka thënë se para 3 ditëve e kanë në shqyrtim dosjen për zyrtarët policorë, prokurororët apo zyrtarët e dyshuar në këtë rast.

“Mund ta konfirmoj se Prokuroria Speciale para 3 ditëve ka pranuar në shqyrtim dosjen për dyshimet e zyrtarëve policorë, prokurorëve apo zyrtarëve që mund të jenë të dyshaur për shkak të mosveprimit të tyre që ka ardhur te neglizhenca dhe si pasojë ka ardhur vrasja. Prokuroria Speciale e ka këtë rast në shqyrtim por vetëm zyrtarëve policorë, prokurorëve apo zyrtarëve tjerë të përfshirë në rast. Për rastet e tjera, jeni të informuar nga ZPSH janë duke u trajtuar nga Prokuroria Themelore”, ka thënë Paca. /Lajmi.net/