Gjatë fjalimit,  kryetarja e Kuvendit, Vjosa Osmani, pati disa kritika për deputetët të cilët po tymosin duhan brenda parlamentit, shkruan lajmi.net.

Ajo  ftoi inspektoratin që të vijë dhe të shqiptojë gjoba.

“Po vrehet tymi këto në sallën plenare që po vjen nga salla prapa. Jeni duke e shkelur ligjin për duhanin. Ftoj inspektoratin që të vijë këtu dhe të shqiptojë gjobat e merituara”, ka thënë Osmani.

Edhe gjatë seancave të kaluara të Kuvendit të Kosovës deputetë të caktuar ishin parë tek pijnë duhan në pjesën prap sallës ku mbahen këto seanca. /Lajmi.net/