Tedros Adhanom Ghebreyesus, Drejtori i Përgjithshëm i OBSH-së, përgjatë konferencës në Gjenevë të mërkurën tha që, si pasojë e mungesës së furnizimeve mjekësore, do të detyrohet të paraqitet në samitin e G20 të enjten, shkruan CNN, transmeton lajmi.net.

“Duhet të jemi të qartë: Bota po përballet me një mungesë të konsiderueshme të PPE-ve për punëtorët të  “vijës së frontit” – përfshirë maska, doreza dhe mbrojtëse të fytyrës – dhe mbrojtja e punonjësve tanë të kujdesit shëndetësor duhet të jetë përparësia kryesore për përdorimin e PPE”, tha Dr. Maria Van Kerkhove, epidemiologe e OBSH-së, gjatë konferencës së së mërkurës.

Të gjitha elementët e zinxhirit të furnizimit duket se janë nën mungesë ekstreme, tha Dr.Mike Ryan, drejtori ekzekutiv i OBSH-së i programit të emergjencave shëndetësore gjatë konferencës.

“Ka probleme në tërë zinxhirin e furnizimeve mjekësore. Problemi është i thjeshtë – kërkesa e madhe”, tha Ryan.

“Ka mungesa të PPE, mungesa të ventilatorëve dhe produkteve të tjera për përgjigjen mjekësore ndaj COVID-19. Ne gjithashtu duhet të shmangim mungesat në pajisjet e tjera mjekësore, pasi zinxhirët e furnizimit përmirësohen”, ka shtuar tutje ai.

Zëdhënësi i Ministrisë së Shëndetësisë, Faik Hoti, ka thënë se në Kosovë janë në dispozicion 142 respiratorë, 95 prej të cilëve gjenden në sektorin publik dhe 47 në sektorin privat. /Lajmi.net/