Është arrestuar një person në Obiliq, nën dyshimin se ka kanosur një zyrtar policor gjatë ushtrimit të detyrës.

Sipas Policisë së Kosovës, ngjarja ka ndodhur sot rreth orës 14:30, kur zyrtarët e stacionit të Obiliqit kanë arrestuar të dyshuarin M.S. (mashkull).

Gjatë veprimeve policore është sekuestruar një automjet në posedim të tij, i cili pas verifikimeve ka rezultuar si i kërkuar në Britaninë e Madhe.

Me vendim të Prokurorit të Shtetit, i dyshuari është ndaluar për 48 orë, ndërsa rasti po hetohet nga Njësiti i Hetimeve të Përgjithshme në Prishtinë.