Policia e Kosovës ka pritur sot në një vizitë disa nxënës të ciklit të mesëm të ulët, të cilët kanë pasur rastin të njihet për së afërmi me disa nga punët e këtij institucioni.

Në njoftimin e policisë në Facebook bëhet e ditur se qëllimi i realizimit të kësaj vizite ishte që nxënësit të mësojnë për rolin e policëve në ruajtjen e rendit dhe ofrimin e sigurisë, po ashtu të njoftohen edhe me procedurat e punës dhe detyrat e ndryshme që kryhen nga punonjësit e PK-së si dhe të shohin nga afër disa nga pajisjet të cilat përdoren gjatë punës rutinore.

“Gjatë kësaj vizite zyrtarët policor shfrytëzuan rastin që përveç pyetjeve që ua parashtronin nxënësit, të njëjtëve t’u shpjegohet edhe se si ata mund të komunikojnë me Policinë e Kosovës në raste emergjente dhe se si mund të mbrohen nga rreziqet potenciale. Në shenjë falënderimi për vizitën e realizuar Policia e Kosovës në fund u shpërndau fëmijëve disa dhurata modeste”, thuhet më tej në njoftim.