Deklarata e realizuar më herët gjatë ditës së sotme detajonte se si ndeshja, e planifikuar fillimisht për 6 janar para se të shtyhej, do të duhet të luhet në një moment më vonë këtë sezon. Ajo u anulua pasi një shpërthim i rëndë COVID preku skuadrën e Bolognës.

Ky vendim nuk i ka pëlqyer Interit dhe ‘Calciomercato.it’ raporton se klubi synon të apelojë vendimin, me klubin që dëshiron të ketë akses në të dhënat. Ata pretendojnë se u është mohuar aksesi në dokumentacion dhe po theksojnë paraqitjen e skuadrës dhe dështimin e Bolognës për të apeluar brenda disa orësh pasi ndeshja nuk u luajt.

Në deklaratë, gjyqtari sportiv vuri në dukje se dokumentacioni i paraqitur nga Bologna ishte i mjaftueshëm për t’i kërkuar Ligës shtyrjen e ndeshjes. Tashmë çështja do të shkojë në Gjykatën e Apelit, ku do të merret vendimi përfundimtar. /Lajmi.net/