Presidenti amerikan, Donald Trump është kundërpërgjigjur ndaj raportimeve të gazetës “Wall Street Journal” se ai ka miratuar planet për të sulmuar Iranit, por që po shtyn dhënien e urdhrit përfundimtar.

Në një postim në rrjetet sociale, presidenti amerikan thotë: “Wall Street Journal nuk ka ide se cilat janë mendimet e mia në lidhje me Iranin!”

CBS gjatë ditës raportoi se Trump u përmbajt nga nisja e sulmeve në rast se Irani pranon të braktisë programin e saj bërthamor.

Konflikti Izrael-Iran vetëm po shkon duke u rritur dita e ditës. Asnjëra palë s’po i ndal sulmet.

Tensionet kanë arritur në atë pikë sa që Irani po e kërcënon Izraelin me bombë bërthamore.