Nuk i mjafton epërsia numerike në fushë, Milan lëshon pikë kundër Fiorentinës
Milan ka lëshuar pikë në përballjen kundër Fiorentina.
Sport
‘Rosoneri’ nuk kanë arritur më shumë sesa një barazim 1:1 në terrenin e Fiorentina, edhe pse për disa minuta luajtën me një lojtar më shumë në fushë, shkruan lajmi.net.
Goli i parë i këtij takimi erdhi në pjesën e dytë, kur Ante Rebic tundi rrjetën në minutën e 57’ të takimit.
Pesë minuta më vonë, Dalbert u ndëshkua me karton të kuq, duke vështirësuar punët e ‘Violas’.
Por, kur pritej se Milan do të merrte tri pikët, në skenë doli Erick Pulgar, i cili realizoi nga pika e bardhë e penalltisë, pesë minuta para fundit, për të bërë që skuadra e tij të marrë një pikë.
Me këtë barazim, Milan numëron 36 pikë për pozitën e shtatë në tabelë, kurse Fiorentina mbetet me 29 pikë në pozitën e 13-të. /Lajmi.net/