Por, kjo nuk vlenë për Abdullahun që për vite të tëra kishte punuar në Zvicër me produkte bio. Ai të njëjtën metodë pune e ka sjellë në vendlindjen e tij në Maqitevë të Suharekës, ku po ka aq shumë punë sa nuk po mundet të plotësojë të gjitha kërkesat e konsumatorëve, shkruan lajmi.net.

Ai ka krijuar një fermë pulash fshati prej rreth 3 mijë copë dhe shumë shpejtë planifikon që ta rrisë në 5 mijë copë. E kjo nuk është puna e vetme më të cilën merret. Ai vetëm në 2 vite kohë, tani kultivon vezë, mjaltë, pemë frutore dhe perime. Të gjitha këto bio, fare pa përdorim të kimikaleve.

Prezantimi i këtij shembulli të shkëlqyer të njeriut të punës është bërë në faqen e Ambasadës së Shqipërisë në Kosovë, pas një vizite që atij i ka bërë ambasadori Skender Minxhozi. /lajmi.net