Nga të dhënat paraprake mësohet se tërmeti ka qenë me Magnitudë 5.2 të shkallës Rihter. 

Ndërkohë mësohet se epiqendra e tërmetit ka qenë 43 km në Jug të Tiranë, 30 km në Veri-Lindje të Fierit dhe 5 Km në Lindje të Lushnjës, me një thellësi prej 10 km, raportojnë mediat shqiptare. 

Për pasojë janë ndjerë lëkundje të forta tërmeti në Tiranë, Elbasan, Durrës, Lushnjë, Berat, Kuçovë, Gramsh, Fier, Vlore, Krujë, Laç, Milot dhe Peshkopi. Ende nuk dihet nëse tërmeti ka shkaktuar dëme materiale në zona të ndryshme të vendit.