Një prej bankave në Kosovë alarmon klientët: Nëse iu telefonon dikush mos ia jepni të dhënat bankare
Bankat të cilat veprojnë në Kosovë së fundi kanë ngritur shqetësimin se persona të panjohur po telefonojnë klientët e tyre.
Lajme
Të njëjtit përmes këtyre thirrjeve duke u paraqitur si persona zyrtarë të bankave po ua kërkojnë atyre të dhënat personale.
Kësisoj, Banka Ekonomike u ka bërë thirrje klientëve të saj që të mos i ndajnë informatat personale me askënd.
“Në asnjë rrethanë, Banka Ekonomike nuk ju kontakton për të kërkuar informata mbi kartelat bankare apo informacionet e tjera të ndjeshme. Andaj, mos u ekspozo ndaj përpjekjeve mashtruese, asnjëherë mos i ndani informatat e ndjeshme përmes telefonit, SMS, e-mail, apo/dhe platformave të tjera”, thuhet ndër të tjera nga Banka Ekonomike.
Postimi i plotë:
Lajmërim i Rëndësishëm 
Në kuadër të ngritjes së vetëdijes së klientëve tonë përballë mashtruesve të ndryshëm, Banka Ekonomike ju rikujton për kujdesin e shtuar që duhet të keni gjatë komunikimit tuaj. Në asnjë rrethanë, Banka Ekonomike nuk ju kontakton për të kërkuar informata mbi kartelat bankare apo informacionet e tjera të ndjeshme. Andaj, mos u ekspozo ndaj përpjekjeve mashtruese, asnjëherë mos i ndani informatat e ndjeshme përmes telefonit, SMS, e-mail, apo/dhe platformave të tjera (si p.sh. Viber, Whatsapp, Telegram, Signal, etj.)
Numrin e llogarisë bankare (IBAN), Numrin e kartelës bankare (PAN), PIN-in e kartelës bankare, Numrin 3-shifror të sigurisë prapa kartelës (CVV), Fjalëkalimin e E-Banking, Kodin 7-shifror për E-Banking që ju dërgohet përmes SMS (OTP), Foton e ID-së tuaj, Foton e kartelës tuaj.Nëse pranoni thirrje të ngjashme (që mund të paraqiten edhe si punonjës të Bankës), luteni që të mos jepni informatat e sipërpërmendura.
Kanalet zyrtare të komunikimit janë:
