Ka humbur aksidentalisht jetën një person në Brezovicë.

Këtë e ka konfirmuar për Klan Kosova, zëdhënësi i policisë së rajonit të Ferizajt, Agim Gashi.

Viktima thuhet se gjatë një shëtitje kishte rënë në një hendek.

Bëhet fjalë për një person 60 vjeçar i cili ra në këtë hendek bore jo gjatë skijimit, por gjatë shëtitjes.

Mësohet se i ndjeri me profesion kishte qenë doktor, ndërsa po qëndronte atje në një seminar për të verbrit.

Sipas Gashit, në vendin e ngjarjes kanë shkuar ekipet e shpëtimit dhe pritet që të nxjerrët trupi i pajetë.