Një grua është gjetur pa shenja jete në një banesë në rrugën “Nazim Gafurri” në Prishtinë, ka njoftuar Policia e Kosovës.

Sipas raportit policor, viktima është gjetur nga familjarët, të cilët kanë njoftuar autoritetet. Në vendin e ngjarjes kanë dalë njësitë përkatëse të Policisë së Kosovës, si dhe ekipi mjekësor, i cili ka konstatuar vdekjen e saj, transmeton lajmi.net.

Me urdhër të prokurorit, trupi i pajetë është dërguar në Institutin e Mjekësisë Ligjore për obduksion, me qëllim të përcaktimit të shkakut të vdekjes.

Policia ka bërë të ditur se rasti është iniciuar si “Hetim mbi vdekjen” dhe po vazhdon të hetohet./lajmi.net/