Një rast i armëmbajtjes pa leje është raportuar mbrëmë në Prishtinë.

Policia ka njoftuar se pas marrjes së informatës, polica kanë kontrolluar shtëpinë e të dyshuarit ku edhe kanë gjetur dhe konfiskuar gjashtë pistoleta të llojeve të ndryshme, tetë karikatorë të ndryshëm, 304 copë fishekë të kalibrave të ndryshëm dhe një armë automatike AK-47.

Policia me këtë rast ka arrestuar të dyshuarin dhe pas intervistimit me vendim të prokurorit i njëjti është dërguar në mbajtje.

Duhet theksuar se gjatë muajve të fundit policia ka konfiskuar armë të shumta në raste të ndryshme derisa numër i madh i armëve paleje vazhdojnë të jenë në duart e shumë qytetarëve./Lajmi.net/