Të shtëna me armë zjarri ka pasur sot rreth orës 20:35 minuta në rrugën “Galip Badivuku”, në qytetin e Vushtrrisë.

Nga këto të shtëna, i vdekur ka mbetur një 19 vjeçar, shkruan lajmi.net.

Lajmin e ka konfirmuar për lajmi.net, zëdhënësi i Policisë së Kosovës në rajonin e Mitrovicës, Avni Zahiti.

Ai ka thënë se njësitet policore janë në kërkim të personit të dyshuar.

“Rreth orës 20:35 min policia  ka pranuar informatën për  të  shtëna nga arma e zjarrit, ngjarja  ka ndodhur në  rrugën ” Galip Badivuku” ne Vushtrri. Nga hetimet fillestare behet e ditur se si pasojë  e plagëve të  pësuara nga arma e zjarrit ka humbur jetën viktima mashkull/ kosovar rreth 19 vjeçar. Njësitet përkatëse policore ndodhen ne vendin e ngjarjes dhe janë  në  kërkim  të  personit të  dyshuar”, ka thënë Zahiti për lajmi.net. /Lajmi.net/