Në Qendrën e Numërimit dhe Rezultateve ka filluar numërimi i votave që kanë ardhur përmes postës, si dhe atyre nga përfaqësitë diplomatike.

Sipas të dhënave të publikuara në platformën e Komisionit Qendror të Zgjedhjeve (KQZ), nga votat me postë deri më tani është numëruar vetëm një kuti nga gjithsej 57.

Në këtë kuti të procesuar, Lëvizja Vetëvendosje (LVV) ka marrë 315 vota (78.75%), Lidhja Demokratike e Kosovës (LDK) 65 vota (16.25%), ndërsa Partia Demokratike e Kosovës (PDK) 17 vota (4.25%).

Aleanca për Ardhmërinë e Kosovës ka marrë 2 vota, ndërsa KDTP 1 votë.

Numërimi i votave me postë dhe nga përfaqësitë diplomatike pritet të vazhdojë deri në përfundimin e plotë të procesit. /Lajmi.net/