Një ngjarje tejet tragjike ka ndodhur mëngjesin e sotëm në qytetin e Prizrenit.

Një person i dyshimtë ka therur për vdekje vajzën e tij 15 vjeçare.

Kjo është konfirmuar edhe nga zëdhënësi i Policisë së Kosovës për rajonin e Prizrenit, Shaqir Bytyci.

“Rreth orës 06:00 kemi pranuar informatë se një person është me thikë në dorë në rrugën “Shotë Galica”. Policia ka dalur në vendin e ngjarjes, ku ka parë tre persona të lënduar, dhe njëra nga të lënduarat ka ndërruar jetë”, tha ai.

Sipas tij, dyshohet se burri ka therur me thikë gruan e tij dhe dy vajzat.

Gjithashtu sipas Bytycit, vajza tjetër 10 vjeçare është në gjendje të rëndë shëndetësore dhe e njëjta është dërguar në QKUK për trajtim mjekësor.

I dyshuari është arrestuar.

Po ashtu u theksua se i dyshuari dhe viktimat kanë shtetësi turke./Lajmi.net/