Përmes njëdokumentari të përgatitur nga Al Jazeera, modeli zbulon historinë e tij se si lindi i shurdhër dhe gjithçka tjetër që ka të bëjë me të, shkruan lajmi.net.

Edhe pse u lind i shurdhër, kjo gjë nuk e ka ndalur Nyle që të realizojë karrierë të suksesshme si aktivist dhe model.

Ai për Al Jazeera tha se ka shumë njerëz të shurdhër të cilët nuk e dinë se kanë shkallë të lartë inteligjence dhe mund të bëjnë shumë punë njëherazi.

Nyle DiMarco ka lindur në një familje shurdhë-memecësh, mbi 25 anëtarë të familjes së tij janë të tillë si ai, madje vëllai i tij është DJ.

Vetëm 10% e të shurdhërve e kanë atë trashëgim nga prindërit, kurse 90% e tyre lindin prej prindërve që dëgjojnë mirë.

Po ashtu, në dokumentar tregohet se vetëm 25% e prindërve, fëmijët e të cilëve janë të tillë përdorin gjuhën e shenjave.

Modeli po lufton që të gjithë fëmijët e shurdhër ta mësojnë gjuhën e shenjave, madje ai ka hapur edhe një fondacion me të cilin do të tentojë që të gjithë fëmijët mbi moshën 5 vjeçe ta mësojnë gjuhën e shenjave.

“E vetmja mënyrë që ju të keni sukses në jetë është duke mos u dorëzuar kurrë” thotë DiMarco në mesazhin e tij. /Lajmi.net/