Kryeministri i Republikës së Kosovës, Albin Kurti, ka emëruar Përparim Kryeziun në pozitën e zëvendësministrit të parë të Arsimit dhe Shkencës.

Kryeziu, i cili gjatë mandatit të kaluar ka ushtruar detyrën e zëdhënësit të Qeverisë së Kosovës, tashmë do të marrë përgjegjësi të reja në kuadër të Ministrisë së Arsimit dhe Shkencës.

Me këtë rast, kryeministri Kurti e uroi Kryeziun për detyrën e re dhe i dëshiroi suksese në përmbushjen e përgjegjësive dhe angazhimeve në funksion të avancimit të sektorit të arsimit dhe shkencës në vend. /Lajmi.net/