Presidentja e Republika e Kosovës, Vjosa Osmani, mori pjesë në takimin inaugurues të Bordit të Paqes në Washington D.C., me ftesë të Presidentit të Donald Trump.

Si shtet bashkëthemelues përkrah SHBA-ve, Kosova u afirmua në arenën ndërkombëtare si një vend në shërbim të paqes dhe sigurisë globale, transmeton lajmi.net.

Gjatë qëndrimit të saj, Osmani pati takime me zyrtarë të lartë amerikanë, përfshirë presidentin Trump, Marco Rubio, Brendan Hanrahan, Charles McLaughlin dhe Daniel J. Lawton, duke diskutuar mbi forcimin e partneritetit strategjik Kosovë–SHBA, integrimin e Kosovës në NATO dhe bashkëpunimin në mbrojtje e ekonomi.

Po ashtu, Presidentja zhvilloi bashkëbisedime me liderë botërorë, përfshirë presidentë, kryeministra dhe përfaqësues ndërkombëtarë, duke rritur profilin dhe rolin e Kosovës në politikën globale.

Vizita nënvizoi angazhimin e Kosovës si partner strategjik i SHBA-ve dhe përforcoi rolin e vendit në çështjet e paqes dhe sigurisë ndërkombëtare.

Përmbledhja e plotë e Presidencës së Kosovës mbi vizitën e presidentes Vjosa Osmani në ShBA: 

Përgjatë takimit inaugurues të Bordit të Paqes, Presidentja Osmani pati mundësi të diskutonte me Presidentin e Shteteve të Bashkuara të Amerikës, Donald J. Trump dhe shumë zyrtarë të kabinetit të tij.

Gjatë qëndrimit në Washington D.C., Presidentja u prit në takim nga Sekretari amerikan i Shtetit, Marco Rubio, me të cilin diskutuan për hapa konkretë të bashkëpunimit bilateral, me fokus në forcimin e mëtejmë të partneritetit strategjik Kosovë–SHBA, avancimin e integrimit të Kosovës në NATO, dhe rëndësinë jetike të bashkëpunimit në mbrojtje e ekonomi.

Presidentja Osmani, po ashtu, është takuar me Zyrtarin e Lartë të Departamentit Amerikan të Shtetit, Brendan Hanrahan. Ajo me ketë rast është takuar gjithashtu me Drejtorin e Lartë për Evropë dhe Rusi në Këshillin Kombëtar të Sigurisë dhe Këshilltarin Special të Presidentit Trump, Charles McLaughlin, si dhe me Zëvendës Ndihmës Sekretarin e Shtetit, Daniel J. Lawton.

Presidentin e Shteteve të Bashkuara të Amerikës, Donald J. Trump

Emirin e Bahreinit, L.T. Hamad bin Isa Al Khalifa

Presidentin e Paraguajit, Santiago Peña

Presidentin e Azerbajxhanit, Ilham Aliyev

Presidentin e Indonezisë, Prabowo Subianto

Presidentin e Kazakistanit, Kassym-Jomart Tokayev

Presidentin e Uzbekistanit, Shavkat Mirziyoyev

Presidentin e Rumanisë, Nicușor Dan

Kryeministrin e Shqipërisë, Edi Rama

Kryeministrin e Katarit, Mohammed bin Abdulrahman Al Thani

Kryeministrin e Pakistanit, Shehbaz Sharif

Kryeministrin e Hungarisë, Viktor Orbán

Kryeministrin e Armenisë, Nikol Pashinyan

Zëvendëskryeministrin dhe Ministrin e Punëve të Jashtme të Italisë, Antonio Tajani

Ministrin e Punëve të Jashtme të Emirateve të Bashkuara Arabe, Sheikh Abdullah bin Zayed Al Nahyan

Zëvendëskryeministrin dhe Ministrin e Punëve të Jashtme të Jordanisë, Ayman Safadi

Ministrin e Punëve të Jashtme të Turqisë, Hakan Fidan

Ministren e Punëve të Jashtme të El Salvadorit, Alexandra Hill Tinoco

Ministrin e Shtetit për Punë të Jashtme të Arabisë Saudite, Adel al-Jubeir

Ambasadorin e SHBA-ve në Kombet e Bashkuara, Mike Waltz

Të dërguarin e posaçëm të Presidentit Trump, Steve Witkoff

Të dërguarin e posaçëm të Presidentit Trump, Jared Kushner

Përfaqësuesin e lartë

Ish-Kryeministrin e Mbretërisë së Bashkuar dhe anëtarin e Bordit Ekzekutiv të Bordit të Paqes, Tony Blair

Përfaqësuesin e Lartë për Gaza, Nikolay Mladenov

Presidentin e FIFA-s, Gianni Infantino./lajmi.net/