Nga sot kamera gjatë testimit për patentë shoferë
Lëshimi i patentë-shoferëve vazhdimisht është karakterizuar me akuza për ryshfet dhe kalim të testeve në mënyrë të pamerituar. Për këtë Ministria e Infrastrukturës do të vendosë kamera me anë të të cilave do të monitorohet testimi teorik dhe praktik i kandidatëve.
Lajme
Ministri i Infrastrukturës, Lutfi Zharku, do të bëjë inaugurimin e projektit të kamerave monitoruese në njësinë e patentë-shoferëve në Prishtinë.
Sipas njoftimit të Ministrisë së Infrastrukturës, ky projekt do të funksionalizohet duke e përfshirë pjesën teorike dhe praktike.
Projekti në fjalë, ka qenë njëri prej projekteve të cilin e kishte premtuar ministri Zharku.
Inaugurimi do të mbahet në Njësinë për Patentë-Shofererëve në Prishtinë (Stacioni i Autobusëve), duke filluar nga ora 11.00.
