Neymar po tregohet një specialist i penalltive. Ylli brazilian ndoshta nuk po shënon vetë, por po kontribuon për ekipin e Barcelonës, duke nxjerrë penallti.

Ish futbollisti i Santosit i ka fituar pesë penallti në katër xhirot e fundit, nga 29 deri në 32.

Përfaqësuesi brazilian i nxori tri penallti rresht së fundmi. Nga pesë penalltitë e fundit që i nxori ai, tri herë është rrëzuar në zonë dhe dy herë kundërshtarët e kanë prekur topin me dorë.

Penalltia më e rëndësishme ishte sigurisht ajo ndaj Real Madridit, kur Neymar u rrëzua në zonë nga Sergio Ramos, i cili u përjashtua me karton të kuq dhe më pas Barcelona e ktheu rezultatin, duke e fituar ndeshjen.