Nesër do të dalin në shitje biletat për meçin e radhës të boksierit shqiptar, Florian Marku.

Siç njofton vetë ai, që prej orës 10:00 të mëngjesit, të gjithë ata që duan ta shohin këtë përballje, biletat mund t’i gjejnë në AL.EBILETA.AL.

Shqiptari do të ndeshet me Miguel Parra Ramirez, më 25 gusht në stadiumin “Air Albania”, transmeton lajmi.net.

Bileta më e lirë do të kushtojë diku rreth 17 euro, ndërsa më e shtrenjta 162 euro.

Shqiptari herën e fundit u paraqit në meçin ndaj Chris Jenkins më 27 prill, përballje në të cilën triumfoi.

Ai vazhdon ta ruajë rekordin prej 11 ndeshjesh pa humbje, me gjithsej 10 fitore dhe një barazim. /Lajmi.net/