Sektori i Hetimeve të Kryeqytetit, me autorizim nga prokuroria kompetente, u bën thirrje qytetarëve për ndihmë në identifikimin e një personi të dyshuar, fotografia e të cilit është publikuar.

Sipas informacioneve zyrtare, personi në fjalë dyshohet për përfshirje në një rast të lëndimit të lehtë trupor.

Policia kërkon nga të gjithë ata që kanë informacione të cilat mund të ndihmojnë në identifikimin e tij, që të kontaktojnë autoritetet përmes numrit të telefonit 192, ose të dërgojnë email në adresën [email protected].

Policia garanton ruajtjen e konfidencialitetit të plotë për të gjithë ata që ofrojnë informacione.